Arubadag 2010 lo tuma lugar dia 21 di Maart na Veemarkthal na Utrecht. Esaki a keda dicidi den un reunion di e Comicion Organisador Arubadag 2010.Cu e decision aki e comicion organisador a cuminsa cu e preparacionnan pa e celebracion di nos Dia Nacional na Hulanda. Den e proximo luna lo bin mas informacion ariba e actuacionnan cu lo bai tuma lugar ariba e dia ey. Veemarkthal na Utrecht den pasado caba a sirbi como localidad pa e celebracion di Arubadag. E hal ta espacioso y ta hopi asesible pasobra e ta banda di highway. Tambe Utrecht como cuidad ta hopi central den Hulanda, asina cu e ta faci for di diferente parti di Hulanda pa yega na dje. Comicion Organisador Arubadag 2010 ta mira atrobe yen di entusiasmo riba un otro celebracion mahestuoso di nos fiesta nacional, Arubadag 2010. Pa mas informacion mail nos na arubadag2010@arubahuis.nl